काठमाडौं । काठमाडौंको बूढानीलकण्ठमा प्रहरीले गोली चलाएर सिक्री लुटपाट र मोटरसाइकल चोरीका घटनामा संलग्न आरोपित कर्मा तामाङलाई पक्राउ गरेको छ ।
जिल्ला प्रहरी परिसर काठमाडौंका प्रमुख एसएसपी दिलीप घिमिरेका अनुसार शनिबार राति प्रहरी कारबाहीका क्रममा गोली लागेपछि तामाङलाई नियन्त्रणमा लिइएको हो ।
प्रहरीका अनुसार पक्राउ परेका तामाङ सिक्री लुटपाट तथा मोटरसाइकल चोरीका घटनामा संलग्न रहेका थिए। गोली लागेर घाइते भएका उनको हाल उपचार भइरहेको छ ।
प्रहरीका अनुसार तामाङ यसअघि पनि पक्राउ परेका थिए । उनी जनमत पार्टीको आन्दोलनका क्रममा फरार भएका थिए। घटनाबारे थप अनुसन्धान भइरहेको प्रहरीले जनाएको छ ।
प्रतिक्रिया