काठमाडौं । चौतर्फी विरोधपछि सरकारले कर बुझाउने म्याद थप गरेको छ ।
आन्तरिक राजश्व विभागले आज नयाँ सूचना जारी गर्दै कर वुझाउने म्याद असार ७ गतेसम्म थप गरेको हो ।
विभागले मंगलबार मात्र जेठ २५ गतेभित्र कर नतिरे जरिवााना लाग्ने सूचना निकालेको थियो ।
विभागको सूचना सार्वजनिक भएपछि उद्योगी, व्यवसायीलगायत विभिन्न राजनीतिक दलका नेताहरुले समेत विरोध गरेका थिए ।
विभागले बुधबार जारी गरेको सुचनामा असार ७ गतेसम्म कर नतिरेमा के गर्ने भन्ने विषय भने केही उल्लेख गरिएको छैन । मंगलबार जारी भएको विभागको सूचनामा समयमा कर नतिरे ब्याज र जरीवाना लिने उल्लेख थियो।
प्रतिक्रिया