काठमाडौं । कोरोना भाइरसको संक्रमणबाट अर्का एक व्यक्तिको मृत्यु भएको छ ।
पाल्पाको पूर्वखोला गाउँपालिका सिरुवाका ४५ वर्षीय पुरुषको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ ।
भारतबाट ५ दिन अघि स्वदेश फर्किएका ती व्यक्ति स्थानीय गाउँकै क्वारेन्टिनमा रहेका थिए । तर स्वाश्वप्रश्वासमा आएको समस्याका कारण उनी तानसेनस्थित मिसन अस्पतालमा भर्ना भएका थिए ।
उनको २० गते मृत्यु भएको हो । उनको स्वाव परीक्षण गर्दा आज कोरोना पोजेटिभ देखिएको स्वास्थ्य मन्त्रालयका प्रवक्ता डा. विकास देवकोटाले बताउनुभयो ।
प्रतिक्रिया