१० बैशाख २०८१, सोमबार | April 22, 2024

भारत यूपीका मुख्यमन्त्री योगी आदित्यनाथबाट नेपाली स्वाभिमानमाथि धम्कीपूर्ण प्रहार, ‘…अन्यथा गम्भीर परिणाम भोग्नुपर्नेछ’



काठमाडौं । नेपाल विरुद्ध बारम्बार भड्काउपूर्ण अभिव्यक्ति दिने भारत उत्तरप्रदेशका मुख्यमन्त्री योगी आदित्यनाथले फेरि एकपटक नेपाल र नेपालीको स्वाभिमानमाथि प्रहार गरेका छन् ।

भारतको एक टेलिभिजन न्यूज सर्भिसलाई गत बुधबार दिएको अन्तर्वार्तामा नेपालसँग सीमा जोडिएको उत्तरप्रदेशका मुख्यमन्त्री योगीले नेपालले आफ्नो सीमा निर्धारण गर्दा भविष्यको ख्याल गरोस, अन्यथा गम्भीर परिणाम भोग्नुपर्ने जस्तो चेतावनीपूर्ण अभिव्यक्ति दिएका हुन् ।

योगी आदित्यनाथले भनेका छन्, ‘नेपाल र भारत दुई देश भए पनि हाम्रो आत्मा एउटै हो । नेपालले तिब्बतको भविष्य के भएको हो भन्ने विचार गर्नुपर्छ । उसले तिब्बतको जस्तो गल्ती गर्नुहुँदैन,’

भारतका अतिउग्र हिन्दु कट्टरपन्थी एवं उग्र दक्षिणपन्थी शासकहरुबाट नेपाल विरुद्ध लगातार आइरहेका अभिव्यक्ति हेर्दा अब यस्तो देखिन थालेको छ, कि ‘नरेन्द्र मोदी–२ इनिङ’को मोदी डक्ट्रिन छिमेकीसँगको सीमा अतिक्रमण हो ।

योगी आदित्यनाथ नेपालमा समेत क्रियाशील विश्व हिन्दु महासंघका अन्तराष्ट्रिय उपाध्यक्ष हुन् । आदित्यनाथले विगतमा तिब्बतले के गल्ती गरेको थियो भन्ने स्मरण गराउन खोजेर नेपाललाई भारतले समेत तिब्बत जस्तै बनाउन सक्ने लाक्षणिक अभिव्यक्ति दिएका छन् । उनले भनेका छन्, ‘नेपालले आफ्नो देशको राजनीतिक सीमा निर्धारण गर्नुभन्दाअघि त्यसबाट उत्पन्न हुने परिणामका बारेमा पनि सोच्नुपर्छ । विगतमा तिब्बतमा के भएको थियो, तिब्बतले के गल्ती गरेको थियो भन्ने पनि नेपालीले सम्झिनुपर्छ ।’

भारतले नेपालको सीमा अतिक्रमणलाई वैधानिक बनाउन नयाँ नक्शा जारी गरेको केही समयभित्रै नेपाली भूमिभित्रैबाट रणनीतिक महत्वको लिपुलेक ट्रयाक सडक उद्घाटनको मञ्चन गर्यो । त्यसको केही दिनभित्रै भारत–चीन सीमा लाइन अफ एक्चुअल कन्ट्रोल एलएसी पार गरेर चिनियाँ भूमिभित्र भारतीय सेनाले निर्माणसम्बन्धी काम सुरु गर्यो । तर, चिनियाँ जनमुक्ति सेनाबाट लज्जास्पद लखेटाई व्यहोरेको भारतले कमजोर छिमेकीमाथि धम्कीपूर्ण अभिव्यक्ति र हस्तक्षेपकारी व्यवहारलाई निरन्तराता दिइरहेको छ । कहिले झापा र सर्लाहीमा पहिला आफ्ना नागरक पठाउँदै एसएसबी छिराउने भारतले कहिले ताप्लेजुङको दशगजा क्षेत्र अक्रिमण गरेको छ । कहिले पर्साको ठोरीमा नेपाली सडक भत्काइदिने भारतीय सुरक्षाकर्मीले कञ्चनपुरको सीमा अतिक्रमण गरिहरेको छ ।

नेपालसँग सीमा जोडिएको उत्तर प्रदेशका मुख्यमन्त्रीले पछिल्लो पटक दिएको भड्काउपूर्ण अभिव्यक्तिले भारतीय शासकहरु नेपालविरुद्ध पेलेरै जाने नीतिमा रहेको छ ।

यस्तो देखिँदैछ ‘छिमेक प्रथम’ नामको ‘मोदी डक्ट्रिन’ ‘छिमेकसँग सम्बन्ध बिगार्ने’ डक्ट्रिनको रुपमा रुपान्तरित हुँदैछ । प्रधानमन्त्री मोदीका अति निकट एवं भारतीय जनता पार्टी र उसलाई निर्देशित गर्ने हिन्दु कट्टरपन्थी संगठन राष्ट्रिय स्वयं सेवक संघका अति विश्वासप्राप्त योगी आदित्यनाथलाई भोलिको भारतीय प्रधानमन्त्रीको रुपमा कट्टरपन्थीहरुले प्रक्षेपण गर्दैआएका छन् ।

प्रकाशित मिति : २३ जेष्ठ २०७७, शुक्रबार  ७ : ३४ बजे

‘नेपालको पूर्वाधार क्षेत्रमा कतारी लगानीका लागि पहल गर्नुपर्ने’

काठमाडौं । विश्वका अधिकांश देशले खुला श्रम बजार नीति लिएसँगै

कतारका अमिरलाई राष्ट्रपति पौडेलले स्वागत गर्ने

काठमाडौं । कतारका अमिर शेख तामिम विन हमद अल थानीलाई

खडेरीले खेतबारीमै सुक्न थाल्यो बाली

म्याग्दी । वैशाख पहिलो साता बितिसक्दा पनि पानी नपरेका कारण

धार्मिक पर्यटन बढाउन बुटवलबाट मुत्तिनाथ यात्रा, नगर प्रमुख पाण्डेयले गरे बिदाई

बुटवल । चीनको सिमाना कोरोला नाकासँगको धार्मिक पर्यटनको प्रवद्र्धन गर्न

दलहरूबीच सहकार्य गरौँ, जनतालाई राम्रो सेवा दिऔँ : प्रधानमन्त्री

काठमाडौं। प्रधानमन्त्री पुष्पकमल दाहाल प्रचण्डले सबै राजनीतिक दलहरुले सहकार्य गरेर