जुम्ला । जुम्लाको क्वारेन्टीनमा बसेका एक जना व्यक्तिको मृत्यु भएको छ ।
चन्दननाथ नगरपालिका वडा नम्बर(८, धुपीढुस्का माध्यामिक विद्यालय तलिउममा बनेको क्वारेन्टीनमा रहेका व्यक्तिको मृत्यु भएको खबर आएको प्रहरी नायब उपरीक्षक लालबहादुर धामीले जानकारी दिनुभयो ।
उहाँले मृत्यु भएका व्यक्ति जिल्लाबाहिरबाट आएको जानकारी पाएको बताउनुभएको छ । प्रहरी नायब उपरीक्षक धामीका अनुसार प्रहरी तलिउम पुगिसकेको र मृतकको स्वाब लिन बाँकी रहेको छ भने अहिले कर्णाली स्वास्थ्य विज्ञान प्रतिष्ठानको टोली पनि घटनास्थलतर्फ जाँदैछ ।
प्रमुख जिल्ला अधिकारी भूपेन्द्र थापाले मृतक वडा नम्बर ८ का भएको र दमको रोगी भएका खबर पाएको बताउँदै आफू घटनास्थलतर्फ जाँदै गरेको जानकारी दिनुभयो ।
प्रतिक्रिया