अर्घाखाँची । अर्घाखांचीमा नगरपालिकाका उप प्रमुख सहित ३१ जनालाई कोरोना संक्रमण पुष्टि भएको छ ।
भारतबाट नेपाल फर्कने क्रममा मृत्यु भएका अर्घाखाँची भुमिकास्थान नगरपालिका–९ का ३४ वर्षिय पुरुषको सम्पर्कमा आएका ३० जना र उनीहरुकै ब्यवस्थापनमा सक्रिय नगरपालिकाका उप प्रमुख लाई कोरोना पुष्टि भएको हो ।
गत जेठ १० गते लखनउमा मृत्यु भएका कृष्ण बहादुर गैरेको प्रदेश जनस्वास्थ्य प्रयोगशाला भैरहवामा गरिएको परिक्षणमा कोरोना पुष्टि भएको थियो । गैरेसंगै आएका नागरिक लाई ब्यवस्थापनमा खटिएका जनप्रतिनिधी तथा सन्धिखर्क नगरपालिका का उपप्रमुखलाई पनि कोरोना पुष्टि भएको अर्घाखाँची अस्पतालले जनाएको छ ।
प्रदेश जनस्वास्थ्य प्रयोगशाला भैरहवामा गरिएकोे परिक्षणमा ३१ जनामा कोरोना पोजेटिभ पुष्टि भएको स्वास्थ्य कार्यालयले पुष्टि गरेको छ ।
आज कोरोना संक्रमण पुष्टि हुनेहरु मध्ये सन्धिखर्क नगरपालिका १ का १ जना , सन्धिखर्क ६ का १३ जना र सन्धिखर्क ७ का १५ जना हरेका छन् । यस्तै शितगंगा नगरपालिका वडा नम्बर १० का एक जना पाणिनी गाउँपालिका वडा नम्बर ७ का एक जना नागरिकमा संक्रमण पुष्टि भएको छ ।
अर्घाखाँचीमा कोरोना संंक्रमित संख्या ३६ पुगेको छ ।
प्रतिक्रिया