काठमाडौं । सरकारले दर्ता गराएको संविधान संशोधन विधेयकमाथि आजबाट संसदमा पक्रिया अघि बढ्ने भएको छ ।
प्रतिनिधिसभाको कार्यसूचि अनुसार कानूनमन्त्री शिवमाया तुम्बाहाङ्फेले नेपालको संविधान दोस्रो संशोधन विधेयक २०७७ विचार गरियोस भनि प्रस्ताव प्रस्तुत गर्नुहुनेछ ।
त्यसपछि संसदको नियमित कार्यतालिका अनुसार संविधान संशोधन प्रस्तावमा सांसदहरुलाई संशोधनका लागि ७२ घण्टाको समय दिइनेछ । यसपछि संसदमा छलफल भै विधेयक पास हुनेछ । प्रक्रिया अनुसार विधेयक पास हुन कम्तिमा पनि पाँच दिन लाग्ने देखिन्छ ।
भारतले अतिक्रमण गरेको नेपाली भूमि लिम्पियाधुरा, लिपुलेक र कालापानी समेटिएको नयाँ नक्शालाई संवैधानिक रुपमा बैधानिकता दिन सरकाले संविधान संशोधन प्रस्ताव दर्ता गरेको थियो ।
सरकारको प्रस्तावमा चित्त नबुझाएका राष्ट्रिय जनता पार्टी राजपा र समाजवादी पार्टी (हाल पार्टी एकीकरण भै जसपा बनिसकेको छ ) र प्रमुख प्रतिपक्षी नेपाली काँग्रेसका तराई केन्द्रित ८ सांसदले समेत अलग अलग संविधान संशोधन विधेयक संसदमा दर्ता गराएका छन् । यद्यपी सरकारी विधेयक प्रक्रियामा गैसकेको छ ।
संसद अधिवेशनमा एउटै विषय समेटिएका दुई वटा विधेयक अघि बढ्न नसक्ने भएका कारण सरकारले दर्ता गराएको विधेयक मात्र अघि बढ्ने भएको छ ।
प्रतिक्रिया