काठमाडौं । जनता समाजवादी पार्टीकी सांसद सरिता गिरीले संविधान संशोधन विधेयक खारेज गर्नुपर्ने माग गर्दै संसदमा संशोधन प्रस्ताव दर्ता गराएपछि उहाँको पार्टीले फिर्ता लिन चेतावनी दिएको छ ।
सरकारी संविधान संशोधन प्रस्तावमाथि सरिता गिरीले सरिता गिरीले व्यक्तिगत रुपमा दर्ता गरेको संशोधन प्रस्ताव फिर्ता लिन उहाँको पार्टीले निर्देशन दिएको हो ।
बुधबार पार्टीका प्रमुख सचेतक उमाशंकर अरगरियाले विज्ञप्ति जारी गर्दै गिरीलाई संशोधन प्रस्ताव फिर्ता लिन निर्देशन दिनुभएको हो । प्रस्ताव फिर्ता नलिए कारवाही गर्ने चेतावनी दिइएको छ ।
संसदमा रहेको संविधान संशोधन प्रस्ताव स्रोत र प्रमाण नपुगेकोा भन्दै सांसद गिरीले खारेज गर्न संसदमा संशोधन प्रस्ताव दर्ता गराउनुभएको थियो ।
यसअघि सांसद गिरीले सरकारले भारतलाई नसोधी नेपालको नक्शा परिवर्तन गरेको भनेर विवादस्पद अभिव्यक्ति दिनुभएको थियो ।
प्रतिक्रिया