बुटवल। प्रदेश नम्बर ५ अन्तर्गत भेरी अस्पताल नेपालगन्जको प्रयोगशालाबाट मात्र आज २७ जनाको कोरोना पोजिटिभ रिपोर्ट पुष्टि भएको छ ।
अस्पतालको तथ्यांक अनुसार रोल्पाको सुनिल स्मृति गाउँपालिकाका एक महिलासहित १४ जनामा कोरोना संक्रमण पुष्टि भएको छ भने अन्य संक्रमित बाँकेका हुन् । संक्रमित हुनेमा बाँकेको कोहलपुर २ का एक जना पुरुष छन् । त्यस्तै, खजुरा–१ र ७ का २ पुरुष र राप्ती सोनारी ७ का एक महिलासहित पाँच जना पुरुष संक्रमित भएका छन् ।
त्यसैगरी, वैजनाथ ३ का चार पुरुषमा पनि संक्रमण पुष्टि भएको भेरी अस्पतालले जनाएको छ ।
रोल्पाको सुनिल स्मृति गाउँपालिकाकाका सात वर्षीय बालकमा समेत कोरोना संक्रमण भएको छ ।
प्रदेश नम्बर ५ मा १३६४ जनामा संक्रमण पुष्टी भएको छ भने ५ जनाको मृत्यु भइसकेको छ ।
प्रतिक्रिया