काठमाडौं । अमेरिकी अनुदान सहायता प्रस्ताव एमसीसीबारे छलफल गर्न भन्दै पटक पटक मिती तय गर्दै स्थगित भएको नेपाल कम्युनिष्ट पार्टी (नेकपा) को सचिवालय बैठक आज चार बजे बस्ने भएको छ ।
आजको बैठक पनि एमसीसीबारे छलफल गर्न बोलाईएको बताईएको छ । नेकपाका एक नेताका अनुसारमा बैठकमा नेता भीम रावल, मन्त्रीहरु युवराज खतिवडा र प्रदीप ज्ञवालीलाई पनि सहभागी गराइने छ ।
यस अघि जेठ २७ बोलाइएको बैठक स्थगित गरिएको थियो ।
एमसीसीलाई लिएर विवाद बढेपछि गत जेठ १७ गते पनि नेकपा सचिवालय बैठक बसेको थियो । तर यस विषयलाई नेकपाले कुनै निर्णय गर्न सकेको छैन । एमसीसीकै कारण नेकपाको स्थायी समितीको बैठक समेत बस्न नसकेको बताईएको छ । स्थायी समिति र केन्द्रीय कमिटीमा एमसीसीको एजेण्डामा पार्टीका अध्यक्ष समेत रहेका प्रधानमन्त्री केपी ओली अल्पमतमा रहेका कारण उनले बैठक बोलाउन अनिच्छा देखाएपछि बैठक बस्न नसकेको नेकपा श्रोतले बताएको छ ।
प्रतिक्रिया