बुटवल । प्रदेश नम्बर ५ मा यसै आर्थिक वर्षमा रासायनिक मल र कागज कारखानाको स्थापना हुने भएको छ । आर्थिक वर्ष ०७७/७८को बजेट प्रस्तुत गर्दै प्रदेशका मुख्यमन्त्री शंकर पोखरेलले यस्तो घोषणा गरेका हुन् ।
उनले लघु, घरेलु तथा साना उद्योग कोषको स्थापना गरि बिदेशबाट फर्केका युवाहरुलाई आत्मनिर्भर बनाउन १० करोड बजेट बिनियोजन गरेको बताए । एक निर्वाचन क्षेत्र १ उद्या्ेगको योजना सफल बनाउन प्रत्यक पालिकामा १० करोड बजेट बिनियाेजन गरेको घोषणा गर्दै पोखरेलले मोतीपुर औद्योगिक क्षेत्र र नौबस्ता औद्योगिक क्षेत्रलाई प्रदेशको स्वामित्वमा ल्याउने बताए ।
उनले बांके, दाङ र रुपन्देहीमा स्थायी डिपार्टमेण्टर स्थल स्थापना गर्न १ करोड ३६ लाख बजेट बिनियोजन गरेको बताउंदै प्रदेशमा रहेका सबै सरकारी कार्यालयमा नेपाली काठ र नेपाली फर्निचरको प्रयोग गर्ने घोषणा गरे । बिद्यालयमा शिक्षक र बिद्यार्थिले अल्लो, ढाका जस्ता कपडा प्रयोग गरि पोशाक बनाउने बिद्यालयलाई प्रदेश सरकारले अनुदानका लागि बजेट छुट्याईएको मुख्यमन्त्री पोखरेलले बताए ।
प्रतिक्रिया