१४ आश्विन २०७९, शुक्रबार | September 30, 2022

कोरोना भाइरसका संक्रमित सोमबार ४५१ जना थपिए, संक्रमितको संख्या ६२०० माथि



काठमाडौं । कोरोना भाइरसका संक्रमितको संख्या दिनदिनै बढिरहेको छ । सोमबार मात्रै ३५ महिला र ४१६ पुरुषसहित ४५१ जना संक्रमित थपिएका छन् ।

राष्ट्रिय जनस्वास्थ्य प्रयोगशाला टेकुको प्रयोगशालामा गरिएको परीक्षणमा सोमबार सबैभन्दा धेरै १३९ जना संक्रमित देखिएका छन् । यस्तै, कर्णाली प्रदेशको जनस्वास्थ्य प्रयोगशाला सुर्खेतमा गरिएको परीक्षणमा १०७ जना संक्रमित देखिएका छन् ।

विराटनगरस्थित प्रादेशिक जनस्वास्थ्य कार्यालयको प्रयोगशालामा गरिएको परीक्षणमा मोरङका १ जनामा संक्रमण देखिएको छ भने नारायणी अस्पतालको प्रयोगशालाबाट पर्सा र रौतहटका ११ जनामा संक्रमण पुष्टि भएको छ ।

यस्तै, धनगढीस्थित सेती अस्पतालको प्रयोगशालाबाट अछाम, कैलाली र डोटीका ९ जनामा संक्रमण पुष्टि भएको छ ।

कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा दैलेखका ५ जनामा संक्रमण देखिएको छ ।

यस्तै, जनकपुरस्थित प्रादेशिक जनस्वास्थ्य प्रयोगशालामा गरिएको परीक्षणबाट महोत्तरी २० र धनुषाका ४ जना गरी २४ जनामा कोरोना भाइरसको संक्रमण पुष्टि भएको छ ।

रुपन्देहीस्थित प्रादेशिक जनस्वास्थ्य प्रयोगशालामा गरिएको परीक्षणमा गुल्मीका २ र रुपन्देहीका ७ जनामा संक्रमण देखिएको छ ।

यसैगरी, धुलिखेल अस्पतालको प्रयोगशालाको परीक्षणबाट रोल्पाका ४ र काठमाडौंका १ जनामा कोरोना देखिएको छ भने दाङस्थित राप्ती विज्ञान प्रतिष्ठानको प्रयोगशालामा गरिएको परीक्षणमा ४३ जनामा संक्रमण पुष्टि भएको छ ।

यस्तै, महाराजगन्जस्थित त्रिवि शिक्षण अस्पतालको प्रयोगशालामा गरिएको परीक्षणमा कैलालीका १ जनापुरुषमा कोरोना देखिएको छ ।हेटौंडास्थित प्रयोगशालामा गरिएको परीक्षणमा २५ जना संक्रमित थपिएका छन् ।

यसैगरी, पाटन अस्पतालको प्रयोगशालामा ललितपुरका १ जना र काठमाडौंका २ जनागरी ३ जनामा संक्रमण देखिएको छ भने टेकुस्थित शुक्रराज ट्रपिकल सरुवारोग अस्पतालको प्रयोगशालाबाट धादिङका ९ जना र काठमाडौंका १ जना गरी १० जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ।

हालसम्म संक्रमितको संख्या ६ हजार २११ पुगेको छ । जसमध्ये ५ हजार ७४० पुरुष र ४७१ महिला रहेका छन् ।

आइसोलेसनमा रहेका संक्रमितहरुको संख्या ५ हजार १५१ पुगेको छ । यस्तै, क्वारेन्टिनमा रहेकाहरु १ लाख ३८ हजार ८२९ जना रहेका छन् ।

प्रकाशित मिति : १ असार २०७७, सोमबार  ४ : ३४ बजे

छोराको हत्या गरेको आरोपमा बाबु पक्राउ

बर्दिया । आफ्नै छोरा २० वर्षीय बिबेक चौधरीको हत्या गरेको

युवालाई पूर्वराष्ट्रपति यादवको आग्रह- निमुखा जनताको पक्षमा राजनीति गर्नुहोस्

काठमाडौं । पूर्वराष्ट्रपति डा. रामवरण यादवले निमुखा जनताको पक्षमा राजनीति

Pakistani PM hails China for timely flood relief aid

ISLAMABAD: Pakistani Prime Minister Shahbaz Sharif has appreciated China and

मोहमद हत्यामा सङ्लग्न रहेको आरोपमा पक्राउ तीन जनालाई प्रहरीद्वारा सार्वजनिक

काठमाडौंको कागेश्वरी मनोहरा नगरपालिका–८ गोठाटारस्थित एडभेञ्चर इन्टरप्राइजेज गार्मेन्ट उद्योगका सञ्चालक

अध्यादेशमार्फत निजी क्षेत्रलाई विद्युत् व्यापार अनुमति दिने सरकारको तयारी

काठमाडौं । सरकारले विद्युत् व्यापारलाई थप मार्ग प्रशस्त गर्ने लक्ष्यका