चितवन । मुग्लिन नारायणगढ सडक खण्डको इच्छाकामना गाउँपालिका वडा नं ६ चारकिलो डाँडामा पहिरो जाँदा सवारी आवागमन अवरुद्ध भएको छ ।
आज बिहान सवा ४ बजे गएको पहिरोका कारण बिहानै देखि राजमार्गको दुइतर्फी आवागनम अवरुद्ध भएको हो ।
अहिले अवरुद्ध राजमार्ग खुलाउनका लागि इलाका प्रहरी कार्यालय मुग्लिनबाट प्रहरी सहायक निरीक्षकको कमाण्डमा प्रहरी टोली खटिएको छ ।
पहिरो पन्छाउने काम जारी रहेको कार्यालयका प्रवक्ता सूर्यबहादुर थापाले जानकारी दिनुभयो । उहाका अनुसार पहिरो रोक्न लगाइएको ड्याम खसेर सडक अवरूद्ध भएको हो ।
डोजर ल्याइ पहिरो पन्छाउने काम भैरहेको प्रहरीले जनाएको छ ।
पहिरो झर्ने क्रम अझै नरोकिएकोले पहिरो पन्छाएर राजमार्गको यातायात सुचारु गर्न निकै समय लाग्ने प्रहरीको प्रारम्भिक अनुमान छ ।
प्रतिक्रिया