नेपालगन्ज । बांकेमा आज मृत्यु भएको थप १ जनामा कोरोना पुष्टि भएको छ । नेपालगन्ज मेडिकल कलेज कोहलपुरमा मृत्यु भएकी कैलाली लम्की चुहा नगरपालिका २ की ४३ बर्षिया महिलाको पीसीआर टेष्टमा कोरोना पुष्टि भएको हो ।
मंगरबार टाउकोमा रगत जमेर उपचारका लागि कोहलपुर मेडिकल कलेज आएकी उनको आज बिहान मृत्यु भएको थियो । मृत्यु पश्चात स्वाव संकलन गरेर भेरी अस्पताल प्रयोगशालामा परिक्षण गर्दा पोजिटिभ रिपोर्ट आएको स्वास्थ्य कार्यालय बांकेका कोरोना फोकल पर्शन नरेश श्रेष्ठले बताए । मृतक महिलाको शव बिहिबार ब्यवस्थापन गरिने श्रेष्ठले जानकारी दिए ।
आज मृत्यु भएसंगै नेपालमा कोरोनाबाट मृत्यु हुनेको संख्या २१ पुगेको छ । बांकेमा उपचारका क्रममा मृत्यु भएका दुईजना नै भारतबाट नआएको र स्थानीयस्तरबाट संक्रमण फैलिएका महिला हुन् ।
प्रतिक्रिया