काठमाडौ। सरकारले पहिलो पटक खेती लगाउनु अघि नै धानको न्यूनतम समर्थन मूल्य निर्धारण गरेको छ।
मन्त्रिपरिषद्को मंगलबार बसेको बैठकले धानको न्युनतम समर्थन मूल्य निर्धारण गरेको हो। यस अघि किसानले धान भित्राईसकेपछि वा ब्यवसायीले खरिद गरि किसानको भण्डार रिक्त हनेबेलामा समर्थन मुल्य दिएर खाद्य संस्थान मार्फत खरिद गर्ने गरिएकोमा यस वर्ष भने बाली लगाउनु अघि सरकारको समर्थन मुल्य आएको छ ।
चालु आर्थिक वर्षमा सरकारले मोटा धान प्रति क्विन्टल २ हजार ५३१ रुपैयाँ २२ पैसा र मध्यमको प्रति क्विन्टल २ हजार ६७३ रुपैयाँ १६ पैसा तोकेको थियो भने आगामी आर्थिक वर्षको लागि मोटा धान प्रति क्विन्टल २७ सय ३५ र मध्यम धान प्रति क्विन्टल २८ सय ८५ रुपैयाँ तोकेको छ। समर्थन मूल्य निर्धारण गर्दा उत्पादन लागतमा किसानको मुनाफा २० प्रतिशत र ढुवानी खर्च औसत १० प्रतिशतले हुन आउने रकम थप गरि मूल्य निर्धारण गरिएको मन्त्रालयले जनाएको छ।
कृषि तथा पशुपक्षी विकास मन्त्रालयको सिफारिसमा उद्योग वाणिज्य तथा आपूर्ति मन्त्रालयबाट पेश भएको प्रस्तावका मूल्य तोकिएको हो।
खेतीलगाउनु पुर्व सरकारको न्युनतम समर्थन मुल्य आएको यो पहिलो पटक हो ।
प्रतिक्रिया