काठमाडौं । प्रधानमन्त्री निवास बालुवाटारमा नेकपाको सचिवालय बैठक बसिरहेका बेला अमेरिकी मिलेनियम च्यालेन्ज कर्पोरेसन(एमसीसी) स्विकार गर्न नहुने भन्दै युवाबिद्यार्थीको साईकल प्रदर्शन बालुवाटार तर्फ जान खोजेपछि प्रहरीले हस्तक्षेप गरेको छ । शनिवार बिहानै युवा र विद्यार्थीले पनि एमसीसीको विरोध गर्दै साईल ¥याली सहित बालुवाटार तर्फ जाने प्रयास गरेका थिए।
८ बजे जमलबाट साइकल हुँदै बालुवाटार पुगेर विरोध गर्ने योजना बनाएका १६ युवा विद्यार्थीहरुको र्याली शुरु हुनै लाग्दा प्रहरीले हस्तक्षेप गरेर पक्राउ गरेको छ ।
जमलबाट अनेरास्ववियूका रविन बस्नेत, उपदेश यादव, निरोज श्रेष्ठ, पुजा कडेल, भुमिराज अघिकारी, दीपा जैशीसमेत पक्राउ परेका छन्।
युवा बिद्यार्थीले बालुवाटारमा बसेको नेकपा सचिवालय बैठकलाई लक्ष्य बनाएर एमसीसीको बिरुद्ध निर्णय गर्न पार्टीलाई दबाब दिने उद्देश्यका साथ प्रदर्शनको तयारी गरेका थिए ।
प्रतिक्रिया