काठमाडौं । सानिमा बैंकले नेपालकै बैंकिङ क्षेत्रमा अपाङ्गमैत्री वेवसाइट सुरु गरेको छ ।
वेभसाइट राम्रोसँग देख्न नसक्ने, श्रवणशक्ति कम भएका तथा कम्प्यूटर प्रयोग गर्न गाहृो हुने व्यक्तिहरुको लागि यो वेवसाइट उपयोगी हुने बैंकले जनाएको छ । वेभसाइटको प्रयोगले अपाङ्गता भएका व्यक्तिहरुलाई पनि सजिलै वित्तीय जानकारी तथा पहुँच प्रदान गर्ने विश्वास बैंकले लिएको छ ।
अन्य व्यक्तिहरु जस्तै वृद्धवृद्धा तथा नयाँ प्रयोगकर्ताहरुलाई पनि अनलाईनबाट आफ्नो बैंकको सेवा सम्बन्धी जानकारी तथा बैंकिङ्ग पहुँच पु-याउने प्रयास गरेको बैंकले विज्ञप्तिमार्फत जनाएको छ ।
अपाङ्गमैत्री सेवा प्रयोग गर्नका लागि बैंकको वेभसाइट https://www.sanimabank.com/df मा गई दायाँ कुनामा रहेको disability friendly icon click गरी आवश्यक accessibility widget menu मा गई आफूलाई चाहिएको सुविधा अनुसारको अपसन बटनमा क्लिक गरी वेभसाइटको प्रयोग गर्नुपर्छ । यो सेवा हाल अंग्रेजीमा मात्र उपलब्ध छ ।
अन्य अपाङ्गता मैत्रीे सेवासुविधाहरु थपविस्तार र परिमार्जन गर्दै ग्राहकको आवश्यकता सहज रुपमा पूरा गर्ने बैंकले लक्ष्य लिएको जनाएको छ ।
सानिमा बैंकले सातै प्रदेशबाट७९ शाखा, ७ वटा विस्तारित काउन्टर तथा ८१ एटिएममार्फत् सेवाप्रदानगर्दै आइरहेको छ ।
प्रतिक्रिया