काठमाडौं । कोरोना भाइरसको सन्त्रासपछि सुरु भएको लकडाउनका कारण रोकिएको नेपाल उद्योग वाणिज्य महासंघको साधारणसभा आगामी साउन २६ र २७ गते हुनेभएको छ ।
महासंघको सोमबार बसेको कार्यसमिति बैठकबाट साधारणसभाको मिति तय भएको हो। महासघंको सोमबार बसेको कार्यसमितिको भर्चुअल मिटिङले महासभाको नयाँ मिति तय गरेको हो ।
साधारणसभामा महासंघले प्रतिनिधिलाई घटाउने निर्णय पनि गरेको छ । जिल्ला नगर उद्योग वाणिज्य संघबाट यसअघि तीन जना प्रतिनिधि सहभागी हुनेगरेकोमा यसपटक दुई जना मात्रै प्रतिनिधि सहभागी गराउने निर्णय भएको छ ।
यस्तै, वस्तुगततर्फबाट भने एक जनामात्रै प्रतिनिधिले मात्रै सहभागीता जनाउनेछन् । एशोसियटबाट करिब १०० जना प्रतिनिधि रहनेछन् ।
साधारणसभा गर्दा सामाजिक दूरी र स्वास्थ्य सुरक्षा मापदण्डको पालना गरिने भएको छ । साधारणसभा ललितपुरको हेरिटेज प्लाजामा हुने भएको छ ।
गत चैत २७ र २८ गते हुने भनिएको साधारणसभा कोरोना संक्रमणका कारण सरकारले लकडाउन सुरु भएपछि स्थगित भएको थियो।
महामारी थप बढेर पुनः लकडाउनलाई कडा भएमा र त्यस्तो अवस्थामा चुनाव नै गर्न नसक्ने अवस्थामा आएमा भने विकल्प खोज्ने सहमति पनि भएको छ । साधारणसभा सार्नै पर्ने अवस्था आए पदाधिकारी बैठकले निर्णय गर्नेछ ।
साधारणसभामा करिब ४०० प्रतिनिधि सहभागी हुने अनुमान महासंघले गरेको छ ।
प्रतिक्रिया