काठमाडौं । कोरोना भाइरसको संक्रमणबाट कर्णाली प्रदेशमा अर्का एक व्यक्तिको मृत्यु भएको छ।
कर्णाली प्रदेश अस्पताल सुर्खेतको आइसोलेसनमा उपचाररत दैलेखको दुल्लु नगरपालिकाका पुरुषको मृत्यु भएको हो ।
३५ वर्षीय ती पुरुषमा गत असार ३ गते कोरोना संक्रमण पुष्टि भएको थियो । क्षयरोगका बिरामी रहेका ती पुरुषको उपचारकै क्रममा गएराति मृत्यु भएको कर्णाली प्रदेशको स्वास्थ्य सेवा महाशाखाले जनाएको छ।
यससँगै प्रदेशमा मृत्यु हुनेको संख्या ५ पुगेको छ भने देशभर २४ जनाले ज्यान गुमाएका छन् ।
कर्णाली प्रदेशमा पछिल्लो २४ घण्टामा थप २५ जनामा कोरोना पुष्टि भएको पनि महाशाखाले पुष्टि गरेको छ ।
संक्रमितमध्ये दैलेखका १९, सुर्खेतका ५ र कालीकोटका १ जना रहेका छन्। प्रदेशभर कुल संक्रमितको संख्या १३ सय ७ पुगेको छ भने उपचारपछि निको हुनेको संख्या ५६० पुगेको छ।
प्रतिक्रिया