योग र धर्मको माध्यमबाट आफ्नो विशाल उद्योग व्यवसायको प्रचार गर्ने ‘स्टार कर्पोरेट योगी’ बाबा रामदेवले मंगलबार सार्वजनिक गरेको ‘कोरोना भाइरस विरुद्धको औषधी’ लाई भारतको केन्द्रीय आयुष मन्त्रालयले रोक लगाइदिएको छ ।
नियमनकारी निकाय र आयुष मन्त्रालयसँग कुनै अनुमति नलिई कोरोना भाइरसको शतप्रतिशत अचुक औषधी भन्दै प्रचारवाजी गरेको केही घण्टामै आयुष मन्त्रालयले रामदेवको ओषधी विक्रिमा प्रतिबन्ध लगाएको हो ।
आयुष मन्त्रालयले पतन्जली आयुर्वेद लिमिटेडको तर्फबाट जारी गरेको कोभिड १९ को औषधीमा गरिएको भनिएको वैज्ञानिक अध्ययनको सच्चाई र अन्य सम्पूर्ण विवारणबारे मन्त्रालयलाई कुनै जानकारी नै थिएन ।
विश्वभरका वैज्ञानिकहरु कोरोना भाइरसको औषधी खोपका लागि २४ सै घण्टा लागिरहेका छन् । तर अहिलेसम्म कुनै निस्कर्षमा पुग्न सकेका छैनन् । तर, बाबा रामदेवकको पतञ्जलीले भने दुई थरी औषधी शतप्रतिशत अचुक औषधी भन्दै सार्वजनिक गरेको छ ।
पतन्जलीका अध्यक्ष आचार्य बालकृष्णले आयुष मन्त्रालयसँग कम्युनिकेशन ग्याप भएको भन्दै पतन्जलीले कोरोना भाइरस विरुद्ध ओषधी पत्ता लगाएर आयुर्वेदको दुनियाँमा गौरबपूर्ण काम गरेको दाबी गरेका छन् ।
उनले औषधी उत्पादनपूर्व सबै प्रकारको अनुसन्धान र क्लिनिकल ट्रायलको सबै मानक पुरा गरेको दाबी गरेका छन् ।
पतन्जलीले जयपुरस्थित नेशनल इन्स्टिच्यूट अफ मेडिकल साइन्सेज निम्समा कोरोना भाइरसका बिरामी माथि क्लिनिकल ट्रायल गरेको जनाएको छ । आचार्य बालकृष्णका अनुसार त्यो ट्रायलमा कोरोनिल औषधीको नतिजा शतप्रतिशत निस्केको थियो ।
पतन्जलीले विभिन्न आयुर्वेदिक जडिबुटीको समिश्रणबाट कोरोनल औषधी बनाएको छ । तर, आयाुष मन्त्रालयले भने औषधीमा समावेश सबै जटिबुटीको कम्पोजिशन मन्त्रालयमा पेश गर्न पतन्जलीलाई निर्देशन दिएकोछ ।
पतन्जलीले जयपुरस्थित नेशनल इन्स्टिच्यूट अफ मेडिकल साइन्सेज निम्समा कोरोना भाइरसका बिरामी माथि क्लिनिकल ट्रायल गरेको जनाएको छ । आचार्य बालकृष्णका अनुसार त्यो ट्रायलमा कोरोनिल औषधीको नतिजा शतप्रतिशत निस्केको थियो ।
पतन्जलीले विभिन्न आयुर्वेदिक जडिबुटीको समिश्रणबाट कोरोनल औषधी बनाएको छ । तर, आयाुष मन्त्रालयले भने औषधीमा समावेश सबै जटिबुटीको कम्पोजिशन मन्त्रालयमा पेश गर्न पतन्जलीलाई निर्देशन दिएकोछ । सबै मामिलाबारे निस्कर्ष नकिस्केसम्म नयाँ औषधीको विज्ञापन नगर्न समेत मन्त्रालयले पतन्जलीलाई निर्देशन दिएको छ ।
प्रतिक्रिया