६ चैत्र २०८०, मंगलबार | March 19, 2024

चट्याङ्ग लागेर सप्तरीमा चार जनाको मृत्यु



सप्तरी । चट्याङ्ग लागेर बिहीबार बिहान सप्तरीमा एक महिलासहित चार जनाको मृत्यु भएको छ ।

बिहीबार बिहानदेखि परेको वर्षासँगै झरेको चट्याङ्गले महदेवा गाउँपालिकाका २ तथा डाक्नेश्वरी नगरपालिका र राजगढ गाउँपालिकाका एक/एक जनाको मृत्यु भएको हो ।

महादेवा गाउँपालिकाका २७ वर्षीय बेचन यादव र ६० वर्षीय छेदी ठाकुर दुबै जना घरमा पूजा लगाएर सप्तकोशी नदीमा नुहाउन गएको बेला चट्याङ्ग लागेर कोशी नदी छेउमै मृत्यु भएको प्रहरीले जनाएको छ ।

यस्तै, जिल्ला प्रहरी कार्यालय सप्तरीका प्रवक्ता तिलक भारतीका अनुसार डाक्नेश्वरी नगरपालिका ९ का ३० वर्षीया ललितादेबी यादव बिहान खेतमा धान रोप्न जाँदा चट्याङ्ग लागेर मृत्यु भएको छ ।

यसैगरी, राजगढ गाउँपालिका २ बेल्ही चपेनाका ४६ वर्षीय केसी साहको पनि खेतमा काम गर्दै गरेको बेला चट्याङ् लागेको प्रहरीले जनाएको छ । घाइते भएका साहलाई राजविराजस्थित गजेन्द्रनारायण सिंह अस्पताल ल्याउनेबित्तिकै मृत्यु भएको प्रहरीले जनाएको छ ।

सोही गाउँपालिका २ बेल्ही चपेनाकी १८ वर्षीया आशा मण्डल घरमा बसिरहेको बेलामै चट्याङ लागेर घाइते भएकी छन् ।

चट्याङ्ले घाइते भएकी उनलाई उपचारका लागि गजेन्द्रनारायण सिंह अस्पताल राजविराजमा उपचार भैरहेको छ । उनको अवस्था खतरामुक्त रहेको अस्पतालका मेडिकल सुपरिटेन्डेन्ट डा. रन्जित झाले जानकारी दिएका छन् ।

प्रकाशित मिति : ११ असार २०७७, बिहिबार  ११ : २० बजे

अर्थमन्त्री पुन र चिनियाँ राजदूत सोङबीच शिष्टाचार भेट

काठमाडौं । अर्थमन्त्री वर्षमान पुन र नेपालका लागि चिनियाँ राजदूत

नैतिकताको कुरा गर्न नसुहाउने कांग्रेसले चारैवर्ष संसद् अवरुद्ध गरोस् : गृहमन्त्री लामिछाने

काठमाडौं । उपप्रधान एवं गृहमन्त्री रवि लामिछानेले प्रमुख प्रतिपक्षी दललाई

सर्लाहीमा अमेरिकन पेस्तोलसहित २ जना पक्राउ

सर्लाही । सर्लाही प्रहरीले एकथान अमेरिकन पेस्तोल र गोलीसहित दुईजना

बेनीमा सुविधा सम्पन्न होटल थपिँदै, नयाँवर्षदेखि ज्ञान गौरी प्यालेस संचालन हुने

बेनी । पर्वतको जलजला गाउँपालिका वडा नम्बर ३ वारीबेनीमा सुविधा

प्रतिनिधिसभामा उठेका प्रश्नमाथि प्रधानमन्त्रीद्वारा जवाफ प्रस्तुत (पूर्णपाठ)

काठमाडौं । प्रधानमन्त्री पुष्पकमल दाहाल ‘प्रचण्ड’ले प्रमुख प्रतिपक्ष दल नेपाली