बिहीबार ४३४ जनामा कोरोना संक्रमण, संक्रमितको संख्या ११ हजार नाघ्यो

काठमाडौं । पछिल्लो २४ घण्टामा जसमध्ये ४८ महिला र ३८६ पुरुष गरी नेपालमा थप ४ सय ३४ जनामा कोरोना संक्रमण भएको छ ।

स्वास्थ्य तथा जनसंख्या मन्त्रालयले आयाजना गर्ने नियमित पत्रकार सम्मेलनमा दिइएको जानकारी अनुसार हालसम्म संक्रमितको संख्या ११ हजार १ सय ६२ पुगेको छ । जसमध्ये १ हजार १४२ महिला र १० हजार २० जना पुरुष रहेका छन् ।

हालसम्म डिस्चार्ज हुनेको कुल स‌ंख्या २ हजार ६ सय ५० पुगेको छ भने बिहीबार मात्रै ३ सय १२ जना डिस्चार्ज भएका छन् ।