काठमाडौं । नेपाल कम्युनिष्ट पार्टी नेकपा स्थायी कमिटी बैठक जारी छ । बैठकको अध्यक्षता अध्यक्ष पुष्पकमल दाहाल प्रचण्डले गरिरहेका छन् ।
बैठकमा अध्यक्ष एवं प्रधानमन्त्री केपी शर्मा ओली भने अनुपस्थित भएका छन् ।
बैठक संचालनको जिम्म प्रचण्ड र महासचिव विष्णु पौडेललाई दिएर ओली बालुवाटारमै अन्य काममै व्यस्त बनेका छन् ।
ओलीको अनुपस्थितिप्रति स्थायी कमिटी सदस्यहरुले भने असन्तुष्टि जनाएका छन् । आफ्नो आलोचना हुनेभएपछि बैठकमा अनुपस्थित भएर छल्न खोजेको उनीहरुले टिप्पणी गरेका छन् ।
आजको बैठकमा पहिल्यै तय गरिएको एजेण्डामा केन्द्रित रहेर सदस्यहरुले धारणा राख्ने क्रम सुरु भएको छ । गत बैशाखमै स्थायी कमिटीको बैठक माग गरेका अधिकांश सदस्यहरुले प्रधानमन्त्री ओलीको सरकार संचालन गर्ने कार्यशैली र पार्टीलाई वाइपास गर्ने कार्यप्रति आलोचना गरेका छन् ।
सरकारको समीक्षलाई गोलमाटोल पारेर एजेण्डा तय गरिएको भन्दै बुधबारको बैठकमा सदस्यहरुले आपत्ति जनाएपछि एजेण्डाको संशोधन गरिएको थियो ।
स्थायी बैठक मुख्यगरी सरकार संचालन र एमसीसीमाथि नै बढ्ता केन्द्रित हुने देखिएको छ ।
बुधबार सुरु भएको बैठकको पहिलो दिन अध्ययद्वय केपी शर्मा ओली र पुष्पकमल दाहाल प्रचण्डले सम्बोधन गरेका थिए । सम्बोधनका क्रममा एकअर्कामाथि तितो पोखिएको भन्दै कतिपय सदस्यहरुले बैठकपछि निरासा समेत पोखेका थिए ।
दुई अध्यक्ष र नेता माधव कुमार नेपाल पक्षधरहरुबीच तिब्र घोचपेच हुनसक्ने अनुमान गरिएको छ ।
प्रतिक्रिया