काठमाडौं । कोरोना भाइरसको विश्वव्यापी महामारीपछि विभिन्न मुलुकमा अलपत्र परेका नागरिकहरुको उद्दार सुरुभएसँगै हालसम्म हजारौं नेपाली नागरिक स्वदेश फर्किएका छन् ।
यूनाइटेड अरब इमिरेट्स (यूएई)बाट हालसम्म चार्टर उडानमार्फत १ हजार ८८९ जना नेपाली स्वदेश फर्किएका छन् ।
आबुधावीस्थित नेपाली दूताबासले जारी गरेको विज्ञप्ति अनुसार जुन १९ देखि २७ तरिखसम्ममा करिब दुई हजार नेपाली नागरिक स्वदेश फर्किएको नेपाली दूतावासले जनाएको छ ।
यसअवधिमा ११ वटा चाटर्ड उडान भएको छ । थप उद्दारको क्रम पनि जारी रहेको दूताबासले जनाएको छ ।
विज्ञप्तिमा भनिएको छ, ‘कतिपय स्वयम् दूतावासमा उपस्थित भएर आफ्ना समस्या राख्ने गर्नु भएको छ, यसरी आउने नेपालीलाई हामीले आवश्यक सहयोग उपलब्ध गराउनुका साथै यथार्थ सूचना र जानकारी उपलब्ध गराउने गरेका छौं ।’
प्रतिक्रिया