१६ चैत्र २०८०, शुक्रबार | March 29, 2024

चिनियाँ राजदूतको अन्तर्वार्ता लिएपछि प्रेस ट्रष्ट अफ इन्डियामाथि वर्षियो सरकारी डण्डा, राष्ट्रहित विरोधी काम गरेको आरोप



भारतको चर्चित समाचार एजेन्सी प्रेस ट्रष्ट अफ इन्डिया पीटीआईमाथि राष्ट्र विरोधी सामाचार प्रकाशित प्रसारित गरेको अभियोग लागेको छ ।

गत जुन १५ मा गलवान क्षेत्रमा भएको चिनियाँ सेनासँगको हिंस्रक झडपमा २० जना भारतीय सेना मारिएपछि भारतमा चीन विरोधी माहोल बढिरहेको छ ।

तर, तनाबपूर्ण विादकै बीच भारतका लागि चिनियाँ राजदूतको अन्तर्वार्ता लिएका कारण पीटीआई भारत सरकारको निशानामा परेको हो । पीटीआईमाथि केन्द्र सरकारको नियन्त्रणमा रहेको प्रसार भारतीले कारवाहीको प्रक्रिया अघि बढाएको छ ।

चिनियाँ राजदूतको अन्तर्वाता देशका लागि अहितकर रहेको र भारतको अखण्डतामाथि चोट पुर्याउने खाले रहेको भन्दै प्रसार भारतीले शनिबार पीटीआईलाई राष्ट्र हितमा नरहेको अन्तर्वार्ता लिएको बारे स्पष्टिकरण पत्र पठाएको हो । प्रसार भारतीका प्रमुख समीर कुमारले पीटीआईका मार्केटिङ प्रमुखलाई पत्र पठाएका छन् ।

प्रसार भारतीयले पीटीआईसँग आफ्नो सम्बन्धबारे पुनर्विचार गर्ने चेतावनी दिएको छ ।

पीटीआईले चिनियाँ राजदूत सुन वेइडोङको अन्तर्वार्ता लिएको थियो । चिनियाँ दूतावासको वेवसाइटमा समेत प्रकाशित सो अन्तर्वार्ताको क्रममा राजदूत सुनले सीमामा भारतकै कारण तनाब बढेको आरोप लगाएका थिए । तनाब समाप्त गर्न पनि भारतकै भूमिका प्रमुख हुने सुनले जिकिर गरेका थिए ।

पीटीआईले बेइजिङबाट समेत रिपोर्टिङ गर्दै आएको छ ।

गलवान घाँटीमा भारत र चीनब बीच बढेको तनाब र २० भारतीय सेनाको मृत्युपछि भारतमा चीन विरोधी गतिविधि बढिरहेको छ । चिनियाँ सामान बहिस्कार गर्नेदेखि आफैले खरिद गरेको चिनियाँ उत्पादनहरुलाई तोडफोड गर्दै आफ्नो आक्रोश व्यक्त गरिरहेका छन् ।

भारतीय सेना गलवान क्षेत्रमा रहेको लाइन अफ एक्चुअल कन्ट्रोल एलएसीको चिनियाँ क्षेत्रमा प्रवेश गरेर सडक निर्माणको काम गरेको भन्दै चीनले आपत्ति जनाउँदै रोकेपछि तनाव सुरु भएको थियो । भारतको विदेश मन्त्रालयले भने चिनियाँ सेनाले भारतीय जमिन अतिक्रमण गरेको आरोप लगाएको थियो ।

तर, भारतीय प्रधानमन्त्री नरेन्द्र मोदीले कुनै पनि विदेशी मुलुककाु सेना आफ्नो देशका सीमा भित्र प्रवेश नगरेको स्वीकार गरेका छन् ।

गलवानमा बढेको सैन्य तनाबले दुई विशाल छिमेकी मुलुकको सम्बन्ध तल्लो स्तरमा झरेको छ ।

प्रकाशित मिति : १४ असार २०७७, आइतबार  ११ : ३६ बजे

महिला सशक्तिकरणको मुख्य आधार आर्थिक सवलीकरण हो : प्रधानमन्त्री प्रचण्ड

काठमाडौं ।। प्रधानमन्त्री पुष्पकमल दाहाल ‘प्रचण्ड’ले महिला सशक्तिकरणको सबैभन्दा प्रमुख

जीर्ण महोत्तरी कारागारको तत्काल जीर्णोद्धार थाल्न सुझाव

महोत्तरी । महोत्तरी कारागार जीर्ण भएको छ । सङ्घीय संसद्को

पत्रकार महासंघको स्थापना दिवसको अवसरमा सभामुख घिमिरेले दिए शुभकामना

काठमाडौ. । प्रतिनिधिसभाका सभामुख देवराज घिमिरेले नेपालका पत्रकारहरुको साझा संस्था

व्यावसायिक कृषितर्फ उन्मुख हुन प्रेरित गर्दै म्याग्दीको प्राविधिक शिक्षालय

म्याग्दी । विद्यालयमा पढाइसँगै तरकारी खेती र मौरीपालन गरेर म्याग्दीको

संस्थागत विद्यालयलाई नेपालीपन झल्कने नाम राख्न काठमाडौं महानगरको निर्देशन

काठमाडौं । काठमाडौं महानगरपालिकाले संस्थागत विद्यालयहरूलाई नेपालीपन झल्कने नाम राख्न