कञ्चनपुर । जिल्ला प्रहरी कार्यालय कञ्चनपुरको टोलीले मोटरसाइकल चोरी गरी नक्कली कागजात समेत बनाइ त्यस्ता मोटरसाइकलहरु किनबेच तथा प्रयोग गर्ने गिरोहलाइ पक्राउ गरेको छ ।
जिल्ला प्रहरी कार्यालय कञ्चनपुरको टोलीले सवारी साधन चोरी र कागजात कित्र्ते प्रकरणमा संलग्न यातायात व्यवस्था कार्यालय धनगढीका दुई कर्मचारी सहित कागजात कित्र्ते प्रकरणमा संलग्न गिरोहलाई पक्राउ गरेको हो ।
जिल्ला प्रहरी कार्यालय कञ्चनपुरले सोमबार पत्रकार सम्मेलन गरी चोरी तथा कित्र्तेमा संलग्न गिरोहलाई पक्राउ गरेको जानकारी दिएको छ ।
जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक अमर बहादुर थापा क्षेत्रीका अनुसार उक्त गिरोहमा संलग्न यातायात व्यवस्था कार्यालय धनगढीमा सहायक कम्प्युटर अपरेटर पदमा कार्यरत जितेन्द्र राना र कार्यालय सहयोगी गणेश भट्टराई पक्राउ परेका हुन । यस्तै उक्त गिरोहमा संलग्न कैलाली र कञ्चनपुरका विभिन्न स्थानका थप १० जना पनि पक्राउ परेको क्षेत्रीले बताउनुभयो ।
पक्राउ पर्ने सबै कञ्चनपुरका रहेका र उनीहरु लामो समय देखि मोटरसाइकल लगायतका सवारी साधन चोरी र नक्कली कागजपत्र बनाएर विक्री गर्ने काममा सक्रिय रहेको उहाले बताउनुभयो ।
उनीहरुबाट ८ वटा मोटरसाइकल समेत बरामद गरिएको छ ।
प्रतिक्रिया