काठमाडौं । नेपाल आयल निगमले पेट्रोलियम पदार्थको मूल्य बढाएको छ।
नेपाल आयल निगम आज एक सुचना प्रकाशित गर्दै पेट्रोलको मूल्य ५ रुपैयाँ र डिजेलको मूल्य २ रुपैयाँ बढाएको जानकारी दिएको छ । बढेको मूल्य मंगलबार राति १२ बजेदेखि लागू हुने जानकारी निगमले दिएको छ।
यो सँगै पेट्रोलको मूल्य बुधबारबाट ९९ दशमलव ५ रुपैयाँ र डिजेलको मूल्य ८५ दशमलव ५ रुपैयाँ पुगेको छ। वीरगञ्ज, नेपालगन्ज, भैरहवा लगातय तराईका जिल्लामा भन्दा काठमाडौं उपत्यकामा भने पेट्रोलमा थप दुई रुपैयाँ र डिजेल मट्टितेलमा डेढ रुपैयाँ बढी पर्ने निगमले जानकारी दिएको छ।
हवाई ईन्धन तथा एलपी ग्यांसमा भने आयल निगमले मुल्य बढाएको छैन ।
प्रतिक्रिया