काठमाडौं । संसदको चालु अधिवेशन अन्त्य गर्ने सरकारको निर्णयलाई प्रमुख प्रतिपक्षी कांग्रेसले अनुत्तरदायी कदम बताएको छ ।
सरकारले कसैलाई थाहा सम्म् नदिएर संसद अन्त्य गरेको भन्दै कांग्रेसले सबै दलसँग सल्लाह गरेर, संसदको बिजनेस सकिएपछि अधिवेशन अन्त्य गर्ने परम्परा सरकारले तोडेको स्पष्ट पारेको छ ।
सरकारले अकस्मात अधिवेशन अन्त्य गरेर संसदलाई कार्यकारीको लाचार छायाँमा परिणत गर्न खोजेको आरोप लगाएको छ ।
प्रतिनिधि सभामा कांग्रेस संसदीय दलका प्रमुख सचेतक बालकृष्ण खाँणले संसदको बिजनेस बाँकी नै रहेको भन्दै विधेयक, प्रतिवेदन, संकल्प र ध्यानाकर्षण प्रस्तावहरुमाथि छलपल नै नगरी अधिवेशहनको अन्त्य गरिएको बताएका छन् ।
सरकारले अधिवेहनको अन्त्यको सिफारिस पठाए लगत्तै राष्ट्रपति विद्यादेवी भण्डारीले बिहीबार साँझ ५ बजेदेखि सङ्घीय संसद्को अधिवेशन अन्त्य भएको पत्र संसदलाई पठाएकी थिईन् ।
मन्त्रिपरिषद्को बिहीबार मध्यान्न बसेको बैठकले चालू अधिवेशन अन्त्यका लागि राष्ट्रपतिलाई सिफारिस गर्ने निर्णय गरेको थियो । सोही सिफारिसका आधारमा राष्ट्रपति भण्डारीले अधिवेशन अन्त्य गरेकी हुन् ।
प्रतिक्रिया