पोखरा । गण्डकी प्रदेशमा पछिल्लो २४ घण्टामा ३२ जनामा कोरोना संक्रमण पुष्टि भएको छ । प्रदेश स्वास्थ्य निर्देशनालयका अनुसार प्रदेशका बिभिन्न जिल्लाहरुमा २१ जना पुरुष र ११ महिलामा संक्रमण पुष्टि भएको हो ।
भरतपुर अस्पतालमा भएको पीसिआर परिक्षणका क्रममा नवलपुर जिल्ला अन्तर्गत कावासोती नगरपालिकाका ११ पुरुष र ३ महिलामा कोरोना संक्रमण पुष्टि भएको छ भने मध्यबिन्दु नगरपालिकामा ४ पुरुष १ महिलामा संक्रमण भेटिएको छ ।
त्यसैगरि प्रदेश क्षयरोग केन्द्र पोखरामा भएको परिक्षणबाट तनहुं जिल्लाको भिमादमा २ तथा ऋषिङमा पुरुषमा संक्रमण देखिएको छ । पर्वतको बिहादीमा १, पैयु मा १ र फलेबासमा १ पुरुष संक्रमित भएका छन् भने बागलुङको जैमुनीका १ जना पुरुषमा पनि संक्रमण पुष्टि भएको छ ।
अध्यावधिक बिवरण अनुसार गण्डकी प्रदेशमा कोरोना संक्रमितको संख्या १ हजार ६३ पुगेको छ ।
संक्रमण देखिएकाहरुलाई स्थानीय आइसोलेसनमा लैजाने तयारी भईरहेको गण्डकी प्रदेश कोरोना नियन्त्रण तथा रोकथाम केन्द्रका निर्देशक डाक्टर बिनोद बिन्दु शर्माले जनाएका छन् ।
प्रतिक्रिया