२२ मंसिर २०८०, शुक्रबार | December 9, 2023

नेकपा केन्द्रीय कमिटीले १०० होईन १००० प्रतिशत अध्यक्ष हटाउन सक्छ : वरिष्ठ नेता झलनाथ खनाल



काठमाडौं । नेपाल कम्युनिष्ट पार्टी नेकपाका वरिष्ठ नेता झलनाथ खनालले प्रधानमन्त्री केपी शर्मा ओलीलाई स्थायी कमिटी, सचिवालय, केन्द्रीय कमिटी , संसदीय दल जुनसुकै अंगमा फेस गर्न चुनौती दिएकाछन् ।

‘ऋषि धमलासँग जनता जान्न चाहन्छन’मा धमलासँग कुरा गर्दैै वरिष्ठ नेता खनालले पार्टीका सचिवालय, स्थायी कमिटी, केन्द्रीय कमिटी तथा संसदीय दलमा समेत प्रधानमन्त्री अल्पमतमा रहेको दाबी गरेका छन्।

खनालले पार्टीका सबै निकायमा अल्पमतमा पर्दा पनि ओलीलाई पदमा बस्ने अधिकार नभएको बताए । उनले कुनै पनि नेताले आफुलाई पार्टी भन्दा ठुलो ठान्न नहुने बताउँदै पार्टीले पठाएको जिम्मेवारी पुरा गर्दा पार्टीले दिएको निर्देशन मान्नुपर्ने जिकिर गरे ।

केपी ओली प्रधानमन्त्री भएको ‘डे वान’ देखिनै पार्टीसँग सल्लाह नगरी काम गरेको आरोप लगाउँदै वरिष्ठ नेता खनालले एकलौटी काम गरेको आरोप लगाए ।

‘समाजवादी बाटोमा प्रधानमन्त्री सर्वेसर्वा हुँदैन, प्रधानमन्त्री पनि अन्य नेताहरु जस्तै पार्टीको एक जना नेता हुन्,’ खनालले भने, ‘पार्टीको अपहेलना गरेर सरकार र पार्टी चल्दैन ।’

ओलीले भन्ने गरेको महाधिवेशनले बनाएको अध्यक्ष भन्ने कुरा गलत भएको भन्दै खनालले वर्तमान केन्द्रीय कमिटी एकता भेलाले बनाएरको जिकिर गरे । उनले भने, ‘अधिकार सम्पन्न बनाएकाले केन्द्रीय कमिटीले हटाउँदा जो पनि हट्नुपर्छ ।’

पार्टीका दुबै अध्यक्ष केन्द्रीय कमिटीप्रति उत्तरदायी बन्नु पर्ने भन्दै उनले वर्तमान केन्द्रीय कमिटीले अध्यक्ष ओलीलाई हटाउन सक्ने स्पष्ट पारे । ‘१०० प्रतिशत होईन, केन्द्रीय कमिटीले १००० प्रतिशत अध्यक्ष हटाउन सक्छ, कुनै ऐन र कानुनले छेक्न सक्दैन,’ उनले भने ।

एकीकरणका बेला सहमतिबाट चल्ने सबै बाटोहरु केपी ओलीले तोडेको बताउँदै सहमति तोड्ने काम ओलीले नै गरेको खनालको भनाई छ ।

ओलीले पार्टी फोड्ने काम गरे र अध्यादेश ल्याए भने त्यो नै कम्युनिष्ट आन्दोलनको सबैभन्दा ठुलो अपराध कर्म हुने बताउँदै उनले त्यस्तो कर्मलाई कम्युनिष्ट आन्दोलनले नछाड्ने चेतावनी दिए ।

प्रकाशित मिति : २१ असार २०७७, आइतबार  १० : ५० बजे

राष्ट्रिय अनुसन्धानको नक्कली नियुक्ति पत्र दिएर जागिर खुवाउने खाँ पक्राउ

नेपालगन्ज । राष्ट्रिय अनुसन्धानको नक्कली नियुक्तिपत्र बनाएर जागिर खुवाउने एकजनालाई

झापा र वीरगञ्जबीचको खेल बराबरीमा सकियो

काठमाडौं । नेपाल सुपर लिग फुटबल प्रतियोगिताअन्तर्गत आज भएको झापा

समझदारी, विश्वास र एकता प्रवर्द्धनमा प्रधानमन्त्रीको जोड

काठमाडौं । प्रधानमन्त्री पुष्पकमल दाहाल ‘प्रचण्ड’ले दक्षिण एशियाली क्षेत्रीय सहयोग

लुम्बिनीमा नेपाल-भारत साँस्कृतिक उत्सव : भारत र चीनको पक्की पुल बन्न चाहन्छौं – मन्त्री किराँती

लुम्बिनी । सँस्कृती पर्यटन तथा नागरिक उडडयन मन्त्री सुदन किराँतीले

Parliamentary Hearing Committee approves Sanil for ambassadorial post

Kathmandu: The Federal Parliament Hearing Committee on Friday unanimously approved