काठमाडौं । सत्तारुढ दल नेपाल कम्युनिष्ट पार्टी नेकपामा तिब्र अन्तरविरोध बढ्दै पार्टी फुटको अवस्थासम्म पुगेको समयमा नेकपा संसदीय दलका उपनेता सुवासचन्द्र नेम्वाङले प्रमुख प्रतिपक्षी दलका नेता शेरबहादुर देउवासँग भेट गरेका छन् ।
उपनेता नेम्वाङ देउवालाई भेट गर्न देउवा निवास बुढानिलकण्ठ पुगेका थिए ।
प्रधानमन्त्रीको सन्देश बोकेर विपक्षी दलका नेतासँग गरिएको भेटलाई अर्थपूर्ण मानिएको छ ।
विपक्षी दलका नेतासँग संवैधानिक परिषद् र एमसीसी लगायतका विषयमा छलफल गरेको नेम्वाङले बताएका छन् ।
यद्यपी, दुई दिनअघि मात्र प्रधानमन्त्री ओलीले देउवालाई बालुवाटारमै भेट गर्नु र आज नेम्वाङले भेट गर्नु सामान्य विषय नहुने विश्लेषण गरिएको छ ।
प्रतिक्रिया