काठमाडौं । काठमाडौं स्थित शहीद गंगालाल राष्ट्रिय हृदय केन्द्रमा उपचाररत ७ जना बिरामीमा कोरोना भाइरस संक्रमण पुष्टि भएको छ ।
अस्पतालमा उपचाररत बिरामीमा संक्रमण पुष्टि भएसँगै मंगलबारबाट अस्पतालको आकस्मिक बाहेकका सबै सेवा हाललाई स्थगित गरेको छ ।
केन्द्रले एक सूचना जारी गर्दै अर्को व्यवस्था नभएसम्मका लागि आकस्मिक बाहेकका सबै सेवा स्थगित गरेको जनाएको छ। बिरामीमा कोरोना पुष्टि भएपछि थप सतर्कता अपनाउनुपर्ने भएकाले हाल सेवा स्थगित गर्नु परेको सूचनामा उल्लेख छ ।
कति बिरामीमा कोरोना पुष्टि भएको बारे अस्पतालको सुचनामा उल्लेख गरिएको छैन ।
प्रतिक्रिया