कोरोना संक्रमण दर ह्वात्तै घट्यो, बिहीबार १०८ जना संक्रमित

काठमाडौं । कोरोना भाइरसका संक्रमितको संख्या ह्वात्तै घटेको छ ।

बिहीबारको तथ्यांक अनुसार १०८ जना मात्र नयाँ संक्रमित थपिएका छन् । यो संख्या विगत केहि दिन यताको सबैभन्दा कम हो ।

हालसम्म कोरोना संक्रमितको संख्या १६ हजार ५३१ पुगेको छ स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा थप १४९ जना कोरोनाबाट निको भएर विभिन्न आइसोलेसन केन्द्रबाट डिस्चार्ज भएका छन्।

योसँगै नेपालमा कोरोना निको हुनेको संख्या ७ हजार ८९१ पुगेको छ।