आजको मौसम : अधिकांश क्षेत्रमा मेघगर्जन र चट्याङ्सहित वर्षाको सम्भावना

काठमाडौं । हाल मनसुनी न्युन चापीय रेखा नेपालको तराई भूभाग नजिक रहेको छ । देशभर सामान्य बदली रही सबै प्रदेशका केहि स्थानहरूमा अहिले वर्षा भईरहेको छ ।

सुदुरपश्चिम प्रदेश र ५ का केहि स्थान, प्रदेश २ र १ को तराईका धेरैजसो स्थानमा मध्ययम बर्षा हुनेछ ।

मकवानपुर, सिन्धुली, उदयपुर लगायत प्रदेश २ र १ को तराई र चुरे भई बहने साना नदीमा बहाव सतर्कता आसपास रहने र केहिमा खतराको बिन्दुमा पुग्ने भन्दै जल तथा मौसम विभागले सतर्क रहन आग्रह गरेको छ ।

प्रदेश १, प्रदेश २, बागमती प्रदेश र गण्डकी प्रदेशका केही स्थानहरु र प्रदेश ५, सुदुरपश्चिम प्रदेश र कर्णाली प्रदेशका एक, दुई स्थानहरुमा भारी वर्षाको सम्भावना रहेको जल तथा मौसम विज्ञान विभागले जनाएको छ ।

त्यसैगरी आज राती देशभर सामान्यदेखि पूर्ण बदली रही सातै प्रदेशका धेरैजसो स्थानहरुमा मेघगर्जन रचट्याङ्गसहित हल्कादेखि मध्यम वर्षाको सम्भावना रहेको छ ।

प्रदेश १, प्रदेश २ र गण्डकी प्रदेश का थोरै स्थानहरुमा साथै बागमती प्रदेश, प्रदेश ५, कर्णाली प्रदेश र सुदुरपश्चिम प्रदेशको एक र दुई स्थानहरुमा भारी वर्षाको सम्भावना रहेको विभागले जनाएको छ ।