काठमाडौं । सानिमा बैंकको अगुवाई र नेपाल इन्फ्रास्ट्रक्चर बैंकको सह–अगुवाईमा थुप्रै बाणिज्य बैंकहरुले सीजी सिमेन्टमा लगानी गरेका छन् ।
सीजी सिमेन्ट इन्डष्ट्रिज पाल्पाको क्लिङकराइजेसन प्लान्सको क्षमता १९५० टिपीडीबाट २९५० टिपीडीमा विस्तार गर्न आवश्यक पुरक सहवित्तीयकरण सम्झौता भएको हो ।
सम्झौतापत्रमा ऋणी कम्पनीका तर्फबाट कम्पनीका अध्यक्ष निर्वाणकुमार चौधरी र अगुवा बैंकका तर्फबाट प्रमुख परियोजना लगानी अधिकृत सरोज गुरागाईले हस्ताक्षर गरेका छन् ।
ग्लोबल आईएमई बैंक, कुमारी बैंक, सनराइज बैंक, प्रभु बैंक, नेपाल बैंक, सेञ्चुरी बैंक, नेपाल क्रेडिट एण्ड कमर्स बैंक, र नेपालएसबिआई बैंक समेतको सहभागितामा यसअघि २०७४ पुषमा कर्जा सम्र्झाता भएको थियो ।
त्यतिबेला सहभागी बैंकहरु बीच २ अर्ब ३७ करोड ८० लाख गरी कुल ९ अर्ब ६ करोड ३० लाख लगानी गर्न मिति २०७४ पौष ७ मा सहवित्तीयकरण सम्झौता भएको थियो ।
सहवित्तीयकरण सम्झौता समारोहमा अगुवा बैकको तर्फबाट सानिमा बैंकका प्रमुख कार्यकारी अधिकृत भुवनकुमार दाहाल, सह–अगुवा बैंकका तर्फबाट सोही बैंकका नायबप्रमुख कार्यकारी अधिकृत भुपेन्द्र पाण्डे सहभागी थिए ।
प्रतिक्रिया