काठमाडौं । नेपाल प्रहरीका दुई डिआइजी एआइजी पदमा बढुवाका लागि सिफारिसमा परेका छन् । रिक्त रहेको २ एआईजी पदका लागि गृह मन्त्रालयले डिआइजी निरज बहादुर शाही र प्रद्युम्न कुमार कार्कीको नाम सिफारिस गरेको हो ।
बढुवा सिफारिस समितिले सिफारिस गरेका दुई जना मध्ये शाही प्रहरी प्रवक्ताको जिम्मेवारी सम्हालिरहेका र अर्का कार्की भने विशेष ब्युरोको नेतृत्व गरिरहेका छन् ।
गृह मन्त्रालयको बढुवा सिफारिस सचिवालयका अनुसार डिआईजी द्वयलाई प्रहरी नियमावली २०७१(संशोधन सहित)को नियम २७को उप नियम (४( अनुसार सिफारिस गरिएको हो ।
दुबै जनालाई अहिलेसम्म कुनै विवादमा नपरेको प्रहरी अधिकृतका रुपमा हेरिने गरेको छ । सिफरिसका सम्बन्धमा कुनै उजुरी नपरे उनीहरुले एक साता भित्र दर्ज्यानी चिन्ह लगाउने छन् ।
प्रतिक्रिया