काठमाडौं। नेपाल राष्ट्र बैंकले मौद्रिक नीति सार्वजनिक गर्दै स्वेच्छिक बिग मर्जरमा जानेलाई प्रोत्साहन गरेको छ ।
शुक्रबार नेपाल राष्ट्र बैंकले सार्वजनिक गरेको चालु आर्थिक वर्षको मौद्रिक नीतिले बिग मर्जरलाई प्रोत्साहन गर्ने बताएको हो । २०७८ सम्म मर्जरमा गएर एकिकृत कारोबार गरे २०७९ सम्म सुविधा दिइने मौद्रिक नीतिमा छ ।
मर्जरमा गए अनिवार्य नगद अनुपातमा ०।५ प्रतिशत छुट दिने, वैधानिक तरलता अनुपातमा १ प्रतिशले छुट दिने लगायताका सुविधा मौद्रिक नीतिले ल्याएको गभर्नर महाप्रसाद अधिकारीले बताए ।
यस्तै बैंकका सञ्चालक र प्रमुख कार्यकारीलाई कुलिङ नलाग्ने सुविधा पनि दिइने छ। एउटै ब्यक्ति समूहबाट प्रवर्द्धित बैंकहरुलाई मर्जरमा लगिने भएको छ।
प्रतिक्रिया