प्रतिबन्धित कारेक्स सहित बाँकेको डुडुवाबाट २ जना प्रहरी नियन्त्रणमा

नेपालगन्ज । बाँके प्रहरीले प्रतिबन्धित लागुऔषध ६५ सि.सी. कोरेक्स सहित २ जनालाई नियन्त्रणमा लिएको छ ।

गय राती बाँकेको डुडुवामा चेकजाँच गर्ने क्रममा प्रहरी टोलिले भारतबाट आउदै गरेको डुडुवा १ का आशिष अहिर र राज कुमार यादवबाट सो कारेक्स बरामद भएको प्रहरीले जनाएको छ । उनीहरुले बोकेको बोराको खानतलासी गर्दा कारेक्स भेटिएको प्रहरीको भनाई छ । प्रहरीका अनुसार दुबैजनालाई नियन्त्रणमा लिई आवश्यक अनुसन्धान भईरहेको छ ।

भारतमा चिकित्सकको प्रिस्केप्सनका आधारमा खोकिका बिरामीले प्रयोग गर्ने कोरेक्सलाई नेपालमा भने लागुऔषधकारुपमा प्रयोग हुने भन्दै प्रतिबन्ध लगाईएको छ ।