बुटवल । नेपाल फर्निचर तथा फर्निसिङ ब्यवसायी महासंघको छैटौ स्थापना दिवसको अवसरमा खाद्यान्न तथा लत्ताकपडा वितरण गरिएको हो ।
बुटवल फर्निचर उद्योग संघको आयोजनामा विहिबार देविनगरस्थित नेपाल अपाङ आश्रमलाई सहयोग गरिएको हो ।
कार्यक्रममा महासंघका उपाध्यक्ष नरेश कुमार श्रेष्ठ, सदस्य अशोक कुवर, सल्लाहकार बोनिन पिया, संघका अध्यक्ष विष्णु प्रसाद पाण्डेले आश्रमका अध्यक्ष डोल बहादुर राम्दानलाई सहयोग सामग्री हस्तान्तरण गरेका हुन ।
महासंघका सल्लाहकार बोनिन पियाले देशब्यापी रुपमा सामाजिक काम गर्दै दिवस मनाएको बताए ।
संघका अध्यक्ष विष्णु प्रसाद पाण्डेले उद्योगीहरुको हकहितसंगै सामाजिक कार्यमा अग्रसर रहदै आएको बताए। केन्द्रीय नीति अनुसार जिल्लामा आश्रमलाई सहयोग गरि दिवस मनाएको उनले बताए ।
आश्रमका अध्यक्ष डोल बहादुर राम्दानले समाजका दाताहरुको सहयोगमा आश्रम संचालन भएको बताए ।
संघका सल्लाहकार माधव पौडेल, उपाध्यक्ष सुरेन्द्र ज्ञवाली, महासचिव जिवकान्त काफ्ले, कोषाध्यक्ष अशोक कुवरले समाज रुपान्तरणमा संघसंस्थाको अगुवाई हुनुपर्ने बताए ।
आश्रममा हाल ३५ जना अनाथहरु अाश्रित छन ।
प्रतिक्रिया