स्याङजा । स्याङजाको कालीगण्डकी गाउँपालिका वडा नम्बर १ ठाटी भञ्ज्याङमा रोकेर राखेको ट्याक्टर अचानक गुडदा एकजना वृद्धाको मृत्यु भएको छ ।
बिहिबार बेलुका करिब साढे नौ बजे ठाटी भञ्ज्याङमा रोकिराखेको लु ३ त ४२०१ नम्बरको ट्याक्टर अचानक अगाडी बढ्दा नजिकैको होटलमा ठोक्किएर उक्त दुर्घटना भएको जिल्ला प्रहरी कार्यालय स्याङजाका प्रवक्ता प्रहरी नायव उपरीक्षक राजेन्द्र प्रसाद अधिकारीले बताए ।
बाटोमा रोकीराखेको ट्याक्टर एक्कासि हुत्तिएर अगाडी आएको र बाटोको साइडमा रहेको होटलमा बसिरहेकी कालीगण्डकी गाउँपालिका वडा नम्बर १ टुन्कोट निवासी ७७ वर्षीय कृष्ण कुमारी रेश्मीलाई ठक्कर दिएको थियो ।
उनलाई उपचारको लागी पाल्पाको मिसन अस्पतालमा लगिए पनि बाटोमै उनको मृत्यु भएको उपचारमा संलग्न डाक्टरले बताए । उनको टाउको र हातमा चोट लागेको थियो । ठक्कर दिने ट्याक्टर र ट्याक्टर चालक प्रहरीको नियन्त्रणमा रहेको प्रवक्ता प्रहरी नायव उपरीक्षक अधिकारीले बताए ।
विगत केही दिन यता परेको अबिरल बर्षाका कारण मिर्मि कारीकोट मोटरबाटोमा पहिरोले जादा बाटो अवरुद्ध भएको छ ।
प्रतिक्रिया