सुनको मूल्यवृद्धिमा ऐतिहासिक रेकर्ड, शुक्रबार अहिलेसम्मकै महंगो

काठमाडौं । सुनको मूल्यवृद्धि हुने क्रम निरन्तर जारी छ । आज शुक्रबार सुन तोलाको ९५ हजार ८ सयमा पुगेको छ ।

शुक्रबार अहिलेसम्मकै सबैभन्दा महंगो मूल्यमा कारोबार सुरु भएको नेपाल सुनचाँदी व्यवसायी महासंघले जनाएको छ ।

बिहीबार ९४ हजार ५ समयमा कारोबार भएको थियो । एकैदिन १३ सय रुपैयाँले बढेर रेकर्ड कायम भएको यो नै पहिलो पटक भएको महासंघले जनाएको छ ।

अन्तराष्ट्रिय बजारमा भाउ बढ्दा नेपालमा पनि सुन चाँदीको भाउ बढ्ने गर्छ । अमेरिका र चीनबीचको बढ्दो तनावपूर्ण सम्बन्धका कारण सुनको भाउ आकाशिएको विश्लेषण गरिएको छ ।

कोरोना भाइरसका कारण रोकिएको कारोबार सुरु भएको केही दिन नवित्दै यति धेरै मूल्य बढेपछि व्यवसायीहरु भने व्यापार नहुने चिन्तामा परेका छन् ।