वीरगन्ज । पर्साको वीरगञ्जमा कोरोना भाइरसको संक्रमणबाट थप १ जनाको मृत्यु भएको छ । शुक्रबार साँझ वीरगन्जमा उपचाररत बाराको परवानीपुर घर भएकी १७ वर्षीया युवतीको कोरोना भाइरसको संक्रमणबाट मृत्यु भएको हो ।
गण्डक कोभिड अस्पतालमा उपचाररत ती युवतीको अपरान्ह मृत्यु भएको अस्पतालले पुष्टि गरेको छ । उनको मृत्यु पछि कोरोना पुष्टि भएको थियो ।
बुधबार नारायणी अस्पतालमा भर्ना भएकी उनको स्वास्थ्य अवस्था गम्भीर भएपछि वीरगञ्ज हेल्थ केयर अस्पताल लगिएको थियो । त्यहाँको आकस्मिक कक्षमा भर्ना गर्दा अवस्था गम्भीर देखिएपछि उनको र्यापिड डाइग्नोस्टिक टेस्ट (आरडीटी) विधिबाट परीक्षण गरिएको थियो ।
आरडीटी एन्टीबडी पोजेटिभ देखिएपछि कोरोना संक्रमणको आशंकामा उनलाई बिहीबार गण्डक कोभिड अस्थायी अस्पतालमा रिफर गरिएको थियो ।
वीरगन्जको गण्डक कोभिड अस्पतालमा उपचाररत ८५ वर्षीया एक वृद्धा महिलाको आज बिहान मात्र मृत्यु भएको थियो । यसअघि बिहीबार अर्का एक वृद्धको मृत्यु भएको थियो ।
कोरोना संक्रमण निकै बढेपछि जिल्ला प्रशासन कार्यालयले वीरगन्ज महानगरमा निषेधाज्ञा जारी गरेको छ ।
प्रतिक्रिया