पूर्व पश्चिम राजमार्गको दाङ पिपरीमा जीपको ठक्करबाट २ जनाको मृत्यु, ४ घाईते

खबर कुरा
११ श्रावण २०७७, आईतवार
                 

दाङ । पूर्व पश्चिम राजमार्गको दाङको पिपरीमा पैदल यात्रुहरुलाई जीपले ठक्कर दिँदा २ जनाको मृत्यु भएको छ ।

पूर्व पश्चिम राजमार्गको दाङ खण्ड अन्तर्गत राप्ती गाँउपालिका ८ पिपरीमा पूर्व बाट पश्चिम तर्फ आउदै गरेको बा २० च ५७४४ नंम्बरको बलेरो जिपले पैदलयात्रीहरुलाई ठक्कर दिदा घाईते भएका मध्य २ जनाको मृत्यु भएको प्रदेश ५ ट्राफिक प्रहरी कार्यालयले जनाएको छ । प्रहरीका अनुसार अन्य ४ जना घाईतेको बुटवल र कोहलपुरमा उपचार भईरहेको छ । ठक्कर दिए लगत्तै स्थानीय मेडिकलमा उपचार सम्भव नभएपछि मेडिकल कलेज कोहलपुर बांके र चौराहा अस्पताल बुटवलमा पठाईएकोमा राप्ती ८ पिपरीका राज कुमार चौधरीको मेडिकल कलेज कोहलपुरमा मृत्यु भएको छ भने स्थानीय ८ बर्षिय बालक निशान चौधरीको चौराहा अस्पताल बुटवलमा उपचारको क्रममा मृत्यु भएको छ ।

जीपमा सवार घाईते भएका बिमला गुरुङ, उनकी छोरी शृष्टी गुरुङ, ठक्करबाट घाईते स्थानीय गौरी चौधरी, उनकी छोरी लक्ष्मी चौधरीको चौराहा अस्पताल बुटवलमा उपचार भईरहेको प्रहरीले जनाएको छ । ठक्कर दिने जीप र जीप चालक प्रहरी नियन्त्रणमा रहेको प्रहरीले बताएको छ ।

यसमा तपाइको मत

Your email address will not be published. Required fields are marked *


*