वीरगन्ज । वीरगन्जको कोभिड अस्पतालमा उपचार गराइरहेका अर्का एक बिरामीको मृत्यु भएको छ ।
गण्डक कोभिड अस्पतालमा उपचाररत वीरगन्ज आदर्शनगरका ६५ वर्षीय वृद्धको आइतबार बिहान मृत्यु भएको हो । उनको शनिबार साँझ आरडीटी परीक्षण गर्दा पोजेटिभ देखिएको थियो ।
शनिवार साँझ वीरगंज हेल्थ केयर हस्पिटलमा आरडीटी परीक्षण गर्दा पोजेटिभ देखिएपछि राति ८ बजेतिर गण्डक अस्पतालमा लगिएको थियो ।
पहिलेदेखि नै मुटु र मधुमेहका रोगी रहेका उनलाई स्वास्प्रस्वासमा समस्या देखिएपछि शनिबार नारायण अस्पतालमा उपचाका लागि लगिएको थियो । नारायणी अस्पतालमा स्वाब दिएका उनलाई साँझ हेल्थकेयर हस्पिटल पुर्याइएको थियो ।
अस्पतालमा उपचारको क्रममा राखिएका ती वृद्धको राति ११ बजेतिरबाट स्वास्थ्य अवस्था गम्भीर बन्दैगएपछि भेन्टिलेटरमा राखेर उपचार सुरु गरिएको थियो । उनको बिहान मृत्यु भएको अस्पतालका संयोजक डा. उदयनारायण सिंहले बताए।
मृतक वृद्ध वीरगन्ज आदर्शनगरका व्यापारी हुन् । यसअघि वीरगन्जमै दुई दिनमा तीन जनाको कोराना संक्रमणकै कारण मृत्यु भैसकेको छ ।
निरन्तर कोरोना संक्रमण बढ्न थालेपछि शनिबार बिहानदेखि वीरगन्ज महानगरपालिका क्षेत्रमा निषेधाज्ञा लागु गरिएको छ ।
प्रतिक्रिया