काठमाडौं । नेपाललाई अति माया गर्ने, स्पेनका विश्वकप विजेता, बार्सीलोनाका पुर्वकप्तान जाभि हर्रनान्डेजलाई कोरोना संक्रमण भएको छ ।
हाल कतारी क्लव अल सादका प्रमुख प्रशिक्षक रहेका जाभिलाई शनिबार कोरोना भाइरसको संक्रमण पुष्टि भएको हो ।
कोरोनाका कारण स्थगित भएको कतारी लिग पुनःसंचालनमा आउन लागेकै दिन उनलाई संक्रमण पुष्टि भएको थियो ।
तर उनी खतरामुक्त छन् । हाल उनी दोहास्थित निजी निवासमा आराम गरिरहेका छन् ।
बार्सिलोनामा नेपालका संचारकर्मी किरण मरहठ्ठा (हाल अमेरिका)सँगको भेटमा जाभीले आफुलाई सगरमाथा मनपर्ने भन्दै एकपटक नेपाल घुम्ने बताएका थिए ।
तर, उनको नेपाल भ्रमणको साइत अहिलेसम्म जुर्न नसकेको पत्रकार मरहठ्ठाले बताएका छन् ।
कोरोना महामारीपछि जाभीको भ्रमणका लागि प्रयास गर्ने मरहठ्ठाले खबरकुरालाई बताए । उनको नेपाल भ्रमण हुन सके यहाँका फुटवल खेलाडी र फुटवल प्रेमीका लागि प्रेरणा मिल्ने मरहठ्ठाले विश्वास लिए ।
प्रतिक्रिया