नेपालगञ्ज । बाँके जिल्ला अदालतका कर्मचारीलाई कोरोना पुष्टि भएसँगै जिल्ला अदालतले अत्यावश्यक सेवा बाहेकका कामहरु अर्को सुचना नआउँदा सम्मका लागि बन्द गरेको छ । अदालतका कर्मचारी र उनका एकजना नातेदारलाई पनि आजै कोरोना पुष्टि भएको छ ।
अदालतका कर्मचारीलाई कोरोना देखिएपछि जिल्ला तथा उच्च अदालतको आकस्मिक बैठकले शुक्रबारदेखि अत्यावश्यक बाहेकका सेवा बन्द गर्ने निर्णय गरेको छ । कर्मचारी र उनका नातेदारमा संक्रमण पुष्टि भएसँगै अन्यमा पनि जोखिम देखिएकाले काम रोक्ने निर्णय भएको उच्च आलतबारका पूर्व अध्यक्ष बलबहादुर चन्दले जानकारी दिए ।
चन्दका अनुसार, शुक्रबारदेखि अन्तिम म्याद भएका थुनछेक, म्याद थप, कलडिटेल, अति जरुरी पक्राउ पूर्जीबाहेकका सेवा बन्द गर्ने निर्णय भएको छ । जिल्ला प्रशासन कार्यालयले साउन १८, १९ र २० गते निषेधाज्ञा जारी गरिएकाले सो समयमा अदालत बन्द रहनेछ ।
कर्मचारी र उनका सम्पर्कमा आएका ब्यक्तिहरुको कोरोना परीक्षणको रिपोर्ट नआउँदा सम्म काम गर्ने वाताबरण नदेखिएको दुबै अदालत बारले जनाएको छ ।
प्रतिक्रिया