काठमाडौं । चिनियाँ राष्ट्रपति सी चिनफिङले नेपालसँग मिलेर काम गर्न आफ्नो देश इच्छुक रहेको बताएका छन् ।
नेपाल र चीनबीच कुटनीतिक सम्बन्ध स्थापना भएको ६५ औं वर्षगाँठका अवसरमा राष्ट्रपति सी ले नेपालका समकक्षी विद्या भण्डारीलाई बधाईसन्देश पठाउँदै नेपालसँग सहकार्य गर्न इच्छुक रहेको बताएका हुन् ।
राष्ट्रपति सी ले आफ्नो देश र नेपाल बीचको सम्बन्धलाई आफूले उच्च स्थानमा राखेको बताएको चिनियाँ समाचारसंस्था सिन्ह्वाले जनाएको छ ।
दुवै देशका नागरिकलाई लाभ हुने गरी क्षेत्रीय स्थिरता एवं विकासमा योगदान पुर्याउन इच्छुक रहेको कुरा सी ले आफ्नो सन्देशमा उल्लेख गरेको सिन्ह्वाले लेखेको छ ।
नेपाल र चीनबीच सन् १९५५ अगष्ट १ मा कुटनीतिक सम्बन्ध स्थापना भएको थियो । तर दुई मुलुकबीचको जनस्तरको ऐतिहासिक अनौपचारिक सम्बन्ध भने सयौं वर्ष पुरानो रहेको छ ।
प्रतिक्रिया