काठमाडौं । नेपालमा कोरोना संक्रमणको अनुपात हरेक दिन बढ्दै गएको छ । पछिल्लो २४ घण्टामा नेपालमा कोरोना संक्रमण हुनेको संख्या ४१८ जना पुगेको छ ।
स्वास्थ्य मन्त्रालयको नियमित पत्रकार सम्मेलनमा बोल्दै मन्त्रालयका प्रवक्ता डा. जागेश्वर गौतमले बन्दाबन्दी खुलेसँगै शहरहरुमा बढेको भिडभाडका कारण संख्या थपिनुका साथै जोखिम पनि बढेको बताए ।
डा. गौतमले नेपालमा सक्रिय संक्रमितको संख्या ५ हजार ७३२ रहेको र अहिले सम्म १४ हजार ९६१ जना डिस्चार्ज भएर गएको जानकारी दिए । नेपालमा ५ सय भन्दा बढी संक्रमित रहेको जिल्लामा रौतहत, महोत्तरी र कैलाली रहेको समेत बताए ।
प्रतिक्रिया