बुटवल । बाँके राष्ट्रिय निकुञ्जका प्रमुख संरक्षण अधिकृत र सहायक संरक्षण अधिकृतलाई स्रोत नखुलेको रकमसहित अख्तियारले पक्राउ गरेको छ ।
अख्तियार दुरुपयोग अनुसन्धान आयोगको कार्यालय बुटवलको टोलीले निकुञ्जका प्रमुख संरक्षण अधिकृत प्रमोद भट्टराई र सहायक संरक्षण अधिकृत विष्णु रोकायलाई नगद ३ लाख ४८ हजारसहित नियन्त्रणमा लिएको हो ।
स्रोत नखुलेको रकम लिई कार्यालयको बा २ झ १८७३ नम्बरको पूर्व पश्चिम राजमार्गमा यात्रा गरिरहेका उनीहरुलाई अख्तियार दुरुपयोग अनुसन्धान आयोगको कार्यालय बुटवलको टोलीले स्रोत नखुलेको ३ लाख ४८हजार नगद र बिभिन्न मितिको बैंक जम्मा भौचर बाट र ५ लाख ५० हजार गरी जम्मा ८ लाख ९८ हजार सहित रुपन्देहीको सैनामैना १० बाट नियन्त्रणमा लिएको थियो ।
उनीहरुमाथि थप अनुसन्धान भइरहेको अख्तियारले जनाएको छ ।
प्रतिक्रिया