१५ चैत्र २०८०, बिहिबार | March 29, 2024

लुम्बिनी प्रादेशिक अस्पतालमा उपचाररत बिरामीमा कोरोना संक्रमण, उपचारमा संलग्न स्वास्थ्यकर्मीलाई क्वारेन्टिन बस्न बाध्य नपारिने



बुटवल । लुम्बिनी प्रादेशिक अस्पताल बुटवलमा उपचारमा आएका बिरामीमा कोरोना पुष्टि भएको छ । अस्पतालमा भर्ना भएर उपचार गराइरहेका कपिलवस्तुका एक जना बिरामीमा कोरोना भाइरस संक्रमण पुष्टि भएको हो ।

कपिलवस्तुबाट निमोनियाको उपचार गर्न अस्पताल आएका २२ वर्षिय पुरुषलाई आइतबार अस्पतालको आकस्मिक कक्षमा भर्ना भएर सोमबार साधारण बेडमा सारिएको अस्पतालका प्रवक्ता डा. बिष्णु गौतमले जानकारी दिए ।

प्रादेशिक अस्पतालको प्रयोगशालामै भएको परीक्षणमा अस्पतालमा उपचाररत कपिलवस्तुका एक पुरुषमा कोरोना संक्रमण देखिएको हो ।

प्रवक्ता डा. गौतमका अनुसार निमोनियाको उपचारका क्रममा केहि कोरोनासँग मिल्दो लक्षण देखिएपछि उनको स्वाव संकलन गरि कोरोना परीक्षण गरिएको थियो ।

अस्पतालमा नै उपचाररत बिरामीमा कोरोना संक्रमण पुष्टि भएपनि यसपटक अस्पतालले उपचारमा संलग्न चिकित्सक र स्वास्थ्यकर्मीलाई क्वारेन्टिनमा बस्न बाध्य नपार्ने भएको छ ।

मास्क, पञ्चा र एप्रोन लगाएर उपचारमा संलग्न चिकित्सक र स्वास्थ्यकर्मीहरु क्वारेन्टिनमा जान आवश्यक नरहेको अस्पतालका प्रवक्ता डा. गौतमले बताए । ‘घरमा साना बाच्चाहरु भएका वा आफुलाई असुरक्षित महसुस गरेका स्वास्थ्यकर्मी भने अस्पताल भित्रै क्वारेन्टिनमा बस्न सक्ने छन्’, उनले भने ।

प्रवक्ता गौतमले प्रादेशिक अस्पतालको प्रयोगशाला सोमबार गरिएको परीक्षणमा रुपन्देहीको तिलोत्तमा र स्याङ्जाका एक–एक जना पुरुषमा पनि कोरोना संक्रमण पुष्टि भएको बताए ।

तिलोत्तमाका संक्रमित कपिलवस्तु स्थित एक मेडिकलमा औषधि किनेका र मेडिकलका सञ्चालकका छोरीहरुमा कोरोना संक्रमण भएको भन्ने थाहा पाए लगत्तै पीसीआर परीक्षण गराउन अस्पताल आएको उनले बताए ।

उनले स्याङ्जाका संक्रमितको यात्रा अभिलेखमा बिदेशबाट आएको देखिएको बताए । संक्रमित आफैं पीसीआर परीक्षण गराउन अस्पतालको ल्याबमा आएका थिए । संक्रमितहरु सबैलाई आइसोलेसनमा राखेर उपचार थालिएको डा. गौतमले बताए ।

डा. गौतमका अनुसार तीन जनामा कोरोना संक्रमण पुष्टि भएलगत्तै सबै निकायहरुमा जानकारी गराएर कन्ट्याक्ट ट्रेसिङको काम अघि बढाईएको छ भने अस्पताललाई सेनिटाइज्ड गरेर सबै सेवा सुरु गरिएको छ ।

प्रकाशित मिति : २० श्रावण २०७७, मंगलबार  ९ : ०० बजे

एसइई परीक्षा : सुदूरपश्चिममा एक हजार२१ परीक्षार्थी अनुपस्थित

सुदूरपश्चिम । आजदेखि सञ्चालनमा आएको माध्यमिक शिक्षा परीक्षा (एसइई)को परीक्षामा

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर

काठमाडौं । अख्तियार दुरुपयोग अनुसन्धान आयोगले नेपाल दूरसञ्चार प्राधिकरणका पूर्व

प्रेस चौतारी रुपन्देहीको आयोजनामा दुइदिने डिजिटल मिडिया व्यवस्थापन तथा लेखनवृत्ति तालिम सम्पन्न

बुटवल । प्रेस चौतारी नेपाल, रुपन्देही शाखाको आयोजनामा दुईदिने डिजिटल

अहिलेको सत्ता समीकरण स्वार्थको गठबन्धन होइन : अध्यक्ष ओली

झापा । पूर्वप्रधानमन्त्री एवम् नेकपा (एमाले)का अध्यक्ष केपी शर्मा ओलीले

रुपन्देहीको तिलोत्तमामा रहेको लुम्बिनी वल्ड स्कुलले असल अभिभाकत्व र तनाव व्यवस्थापन तालिम गर्ने

बुटवल । रुपन्देहीको तिलोत्तमा-१३ मधवलियामा रहेको लुम्बिनी वल्ड स्कुलले अभिभावकका